Cyfleoedd Cadwyn Gyflenwi
Ychydig iawn o fusnesau sy’n gallu gweithredu heb ddefnyddio gwasanaethau, cynnyrch neu sgiliau sy’n cael eu darparu gan fusnesau eraill.
Mae hyn yn credu cyfleoedd i gyflenwyr posibl. Wedyn mae'n bosibl y bydd angen i'r cyflenwyr hyn brynu neu is-gontractio pethau penodol. Felly mae cadwyn gyflenwi wedi'i chreu.
Y mwyaf yw'r busnes neu brosiect, y mwyaf tebygol y bydd angen defnyddio cyflenwyr ar draws amrywiaeth o feysydd. Mae nifer o gyfleoedd cadwyn gyflenwi yng ngogledd Cymru ar hyn o bryd, felly mae'n werth gadw golwg amdanynt.
Mae prosiectau datblygu mawr fel arfer yn creu cyfleoedd mawr i fusnesau lleol. Felly mae'n werth gwybod amdanynt.
Mae o leiaf saith o brosiectau mawr ar y gweill neu'n cael eu cynllunio yng Ngogledd Cymru ar hyn o bryd - gan gynnwys gorsaf pŵer niwclear, carchar, parc eco a morlyn llanw.
A'r gwir yw, mae angen llawer o sgiliau, cynnyrch a gwasanaethau i adeiladu a gweithredu cyfleusterau mawr fel y rhain.
Fel arfer, mae rhai o'r pethau hyn yn allanol - ac os ydych chi yn y math iawn o ddiwydiant, efallai y byddwch yn gallu gwneud cais am y gwaith hwnnw ac ennill contract gwerthfawr.
Ffordd wych arall o ganfod cyfleoedd yw chwilio ar wefan GwerthwchiGymru. Caiff ei rheoli gan Lywodraeth Cymru a'i defnyddio gan y sector cyhoeddus yn bennaf i hysbysebu contractau.
Mae cynghorau lleol, colegau, y GIG, asiantaethau amgylcheddol, gwasanaethau brys a sefydliadau cyhoeddus eraill yn defnyddio'r wefan i ddarganfod cyflenwyr gwahanol gynnyrch, gwasanaethau neu sgiliau - unrhyw beth o gefnogaeth TGCh i reoli gwastraff neu gynnal a chadw adeiladau.
Gwyliwch y fideos isod, neu ewch i'r wefan i gael rhagor o wybodaeth.